Author: लोकनीति अनलाइन

 नेपाली कांग्रेस कार्यसम्पादन समिति बैठक सुरु भएको छ ।समितिको बैठक निर्धारित समयभन्दा करिब एक घण्टा ढिला सुरु भएको छ । कार्यसम्पादन समितिअघि दुबै पक्ष बसेर भोली वा पर्सी हुने संसदीय दलको निर्वाचनका लागि बनाइने निर्वाचन समितिमा सहमती जुटाएको बुझिएको छ । सहमहामन्त्री भिष्मराज  आङदेम्बेको नेतृत्वमा निर्वाचन समिति बनाइने र समितिमा केन्द्रीय सदस्यहरु पुष्पा भुसाल र प्रकाश स्नेही रसाइली सदस्य रहने छन् ।केही बेरमा औपचारिक रुपमा कार्यसम्पादन समितिले निर्णय गर्ने बुझिएको छ ।

काठमाडौं। राष्ट्रपति विद्यादेवी भण्डारीले आगामी मंगलबारभित्र सरकार गठनका लागि आह्वान गर्ने तयारी गरेकी छन् । राष्ट्रपति भण्डारीका सञ्चार विज्ञ टीका भट्टराईले भने, ‘निर्वाचन आयोगले चुनावी प्रतिवेदन बुझाइसकेको छ, अब राष्ट्रपितज्यूले ढिलो गर्नुहुन्न । सम्भवत: आउँदो मंगलबारभित्र उहाँले नयाँ सरकार गठनको आह्वान गर्नुहुन्छ ।’ संविधानमा निर्वाचन आयोगले चुनावको अन्तिम परिणाम बुझाएको ३५ दिनभित्र प्रधानमन्त्री नियुक्तिसम्बन्धी प्रक्रिया पूरा गर्नुपर्ने प्रावधान छ । नेपालको संविधानको धारा ७६ को उपधारा २ अनुसारको सरकार गठनका लागि राष्ट्रपतिले आह्वान गर्नेछिन् ।…