काठमाडौं। सिद्धार्थ बैंक लिमिटेड र जर्मन होम्स प्रा. लि. बीच बैंकका ग्राहकहरूलाई विशेष छुट सुविधा प्रदान गर्ने सम्बन्धी सम्झौता सम्पन्न भएको छ।
सम्झौता अनुसार, बालकोट, भक्तपुरस्थित जर्मन होम्समा सिद्धार्थ बैंकका ग्राहकहरूले बैंकको कार्ड वा मोबाइल बैंकिङ मार्फत भुक्तानी गर्दा १०% सम्मको छुट प्राप्त गर्न सक्नेछन्।
बैंकका अनुसार, यस सम्झौताले ग्राहकहरूलाई आकर्षक छुटको सुविधा उपलब्ध गराउनुका साथै नगद कारोबारबाट डिजिटल कारोबारतर्फ प्रोत्साहन गर्ने लक्ष्य लिएको छ।
ग्राहकहरूले यस समन्वय सम्बन्धी थप जानकारीका लागि सिद्धार्थ बैंकको २४ घण्टा सञ्चालनमा रहने ‘सिद्धार्थ केयर’ ग्राहक सेवा केन्द्रमा सम्पर्क गर्न सक्नेछन्।
